لشعب مصر

شعب مصر شعب عظيم متفرقش ولو حتى معاه مليم

يضرب فول فى الصميم ويعمل نفسه عم الفهيم

فى اى موضـــــــوع يرغــــــــــــــى ويتكلم

ولو حد سأله سؤال يبصلـــــــــــــه ويبلم

يقوم ويضربــــــــه ويقول للتانى قاعد يتلم

ويكمل الموضـــــوع فى ادب وخضــــــــــوع؟

والتانى نفسه يخرس علشان هو جربــــــــــوع!

لو فضلنا كــــــــــده حنتأخر ونضــــــــــــيع

لحد امتى بــــــــقى حنفضل مستهترين ونبيع

وبالتالى تحتلنا الدول ومش حنلاقى السد المنيع

انا وفصلى

عجبى منكم يابنات لما كنتوا بتقولوا فى الزمن اللى فات

ان احنا العيال وهما بقى الرجال

دلوقتى عرفتوا حقيقة اللى اسمه احمد جمال

دلوقتى جايين تشتكوا من اللى عمله معاكم

معلش ملناش دعوة انتوا اللى سبتوه وياكم

ده احنا كمان حظرناكم من زمان

دلوقتى خلاص حان الاوان

مش حنعمل حاجة وملناش دعوة بيكم كمان

كفالة اليتيم

فيها ايه لو كفلت يتيم هو معاك فى الجنة حميم

متسألش تلاقيهم فين ولا حتى تجيبهم منين

فى الشوارع مترمين تبص شمال تبص يمين

حتلاقيهم فى الشارع غلبانين وحزنهم على الشفتين

حيصل ايه لو كفلت اثنين ترجعلهم الامل ويبقوا فرحانين

وتعلمهم اصول الدين بدل ما كانوا متورطين

لو انت معندكش عيال اكفلهم يسعدوك فى الحال

ولما يكبروا حيشكروا فيك ده كمان ممكن يبوسه إيديك

يا أمى

يا أمى يا أمى يا أمى بحبك بروحى ودمى

اعطيتينى اطيب الامنيات ورجعتيلى زمنى الى فات

ما بين الحب والذكرايات وأجمل الهوايات

حملتينى ووضعتى فيه وسهرتى اليالى

كل ده علشان راحة بالى

واهديلك فى عيدك احلى هدية

علشان انا طالب رضاكى عليا

واعطيكى يا ماما احلى سلامات

واحلى أمنية وأجمل قبلات

بحبك يا أمى يا ست الامهات

ميلاد رسول الله

يا رسولنا الكريم إنك على خلق عظيم

ربنا خلقك حكيم وفى تصرفاتك دايماً رزين

فى ميــــــلادك انـــــــــــشق القــــــــــمر

فرحـة وبهجة وســــــــــعادة وسمـــــــــر

احسن مخلوق على وجه الوجــــــــــــود

من قبلك البشرية احسن لها تمـــــــــــــوت

تهدى الناس للحق وتوريهم طريق الإيمان

بحكمتك وتصرفاتك رحمت اى انسان

من عذاب الله ومن غضبه كمان

وكانوا من غيرك معندهمش امان

مستعبدين مستضعفين فى كل مكان

دلوقتى فرحانين بهداية الرحمن

وصلى الله عليه وسلم

Happy Valentine's Day

بحبك يا حبيبى حب كبير

مش حقدر اوصفه ولو العمر طويل

حبك فى قلبى ملوش حدود

ده حتى اغلى عندى من الذهب والياقوت

حفضل أحبك لحد ما اموت

اهداء الى............

Happy Valentine's Day

راجعين لبعض كفانا بعد

اول ما أشوفه حنحضن بعض

راجعين لبعض راجعين بجد

راجعين بشوق ما اشتاقهوش حد

يعنى لسة حبايب ما نسناش شوقنا عاش

مانتهـــــــــــاش